CANCER ആവാമെന്നു ഒരു ഡോക്ടറിൽ നിന്നു പറഞ്ഞു കേട്ടാൽ തന്നെ നമ്മുടെ നല്ല ജീവൻ അതോടെ പോകും!!!

                                                     

                                                                                                               

CANCER ആവാമെന്നു ഒരു ഡോക്ടർ പറഞ്ഞാൽ തന്നെ നമ്മുടെ നല്ല ജീവൻ അതോടെ പോകും🙏 സകല മത വിശ്വാസികളുടെ ദൈവങ്ങളെയും നാം വിളിച്ചു പോകും.. നമുക്കായി സാന്ത്വനത്തിനും പ്രാർത്ഥനകൾക്കും,ആത്മാർഥമായി ഒരാൾ ഉണ്ടായാൽ തന്നെ, ആ ദുരിത കാലം അകന്നു പോകും🎄
👈 👉 👈 👉 👈 👉

തലസ്ഥാനത്തെ പ്രസിദ്ധ ഭിഷഗ്വരനോട് സ്കാനിംഗ്ൻെറയും ബ്ളഡ്ഡിൻെറയും റിസൾട്ട്കൾ കാണിച്ചു കൊണ്ടു ഒഴുകിവരുന്ന കണ്ണീർ കണങ്ങളോടെയും തകർന്നടിഞ്ഞ മനസ്സോടെയും നാലു
കൊല്ലം മുൻപു ഒരുനാൾ സായാഹനത്തിൽ ഞാൻ ചോദിക്കുകയായിരുന്നൂ.
"ഒരു ഉറുമ്പിനെ പോലും നോവിച്ചിട്ടില്ലാത്ത, നേർമ്മയും, സത്യസന്ധതയും ഇല്ലാത്ത ഒരു പ്രവർത്തികളിലുംഏർപ്പെട്ടിട്ടില്ലാത്ത എനിക്കു ദൈവം എന്തിനീ അസുഖം നൽകിയെന്നു "....
മറുപടി പറയാനാകാതെ വിഷണ്ണനായി എന്നെ ആശ്വസിപ്പിച്ചു..... Prostate Cancer ചികിത്സക്കായി മറ്റൊരു docter nu കത്ത് നൽകി കൈയ്യൊഴിഞ്ഞ ആ ഭിഷഗ്വരൻെറ ദുഖഭാരം ഏറിയ മുഖം ഞാനിന്നും.....ഓർക്കുന്നു 😢 .
ചികിത്സാവിധികളും, ഓപ്പറേഷൻ ടേബിളും കണ്ടു പകച്ചു, അനസ്തേഷ്യ Fitnessനായി തീവിഴുങ്ങിയായ ഒരു കാർഡിയോളജി ഡോക്ടറിൻെറ മുന്നിൽ നിന്നും ഞാൻ എണീറ്റോടിയ നാളുകൾ...🐙 20 വർഷം മുൻപു അൽപ നിമിഷം ഹൃദയം നിന്നു പോയിരുന്നു വത്രേ!!!അതിനുള്ള ഫിറ്റ്നസ് ഇപ്പോ കിട്ടിയാലേ ആ തീ വിഴുങ്ങിക്കു എൻെറ ശരീരം ശവപ്പെട്ടിയിലല്ല എന്നു ഉറപ്പിക്കാൻ കഴിയൂത്രേ!!!

ഓരോ പതിനഞ്ചു ദിവസം കൂടുബോഴും ഇൻഫെക്ഷൻ ഉണ്ടാവാതിരിക്കാനായി മൂത്ര നാളിയിൽ നിന്നും പുറത്തക്കു വലിച്ചെടുക്കുന്ന കത്തീറ്റർ ട്യൂബ്. അപ്പോൾ തന്നെ വീണ്ടും
പുതിയൊരെണ്ണം മൂത്ര നാളിയിലേക്കു കുത്തിക്കയറ്റുബോഴുള്ള അതികഠിനമായ വേദന.... ബോധമില്ലാതെ ഉറക്കമരുന്നു കഴിച്ചു കിടക്കുന്ന രോഗിയുടെ പച്ച മാംസത്തിലേക്കല്ല കത്തീറ്ററും ട്യൂബും കുത്തിക്കയറ്റുന്നതെന്നതു ഓർക്കണം....... 🌡
ക്യാൻസർ എന്ന മഹാവ്യാധി ശരീരത്തെ പിടി കൂടി എന്ന മനസ്സിൻെറയും ശരീരത്തിൻേയും തളർച്ച മറ്റൊരു വശത്തു🌡ഒരു ഉറുമ്പിനെ എങ്കിലും നാം വേദനിപ്പിച്ചിട്ടുണ്ടെങ്കിൽ..... അതിനുള്ള ശിക്ഷ അണാ പൈസ കണക്കു പറഞ്ഞു അനുഭവിച്ചു തീർക്കുന്ന ദിവസങ്ങൾ.....🌡
അപ്പോഴേക്കും നാം ഒരാൾക്കും വേണ്ടത്ത ഒരു ചണ്ടിയായി മാറിയിട്ടുണ്ടാവും.🌡 നിറഞ്ഞ
മൂത്രസഞ്ചിയെ ഒഴിക്കാനായി ട്യൂബോടൊപ്പം toilet ലേക്കുള്ള പരസഹായം കിട്ടാതെയുള്ള പ്രാഞ്ചി പ്രാഞ്ചിയുള്ള നടപ്പുകൾ🌡
വീടാകെ
മൂത്രനാറ്റം കാരണം ആഹാരം കഴിക്കാനാവുന്നില്ലെന്നു ചുറ്റുമുള്ളവരിൽ നിന്നുമുള്ള അലോസരം വരുത്തുന്ന വാചകങ്ങൾ🌡
ഒരാൾക്ക് ഒരു രോഗദുരിതകാലം വന്നാൽ വേഗം ചത്തു പോണമെന്ന പൊതു തത്വം നമ്മുടെ മനസ്സിലും തോന്നിപ്പിക്കുന്ന സാഹചര്യങ്ങൾ.....🌡
പള്ളി വിളയിൽ നമുക്കുള്ള ആറടി കുഴി വെട്ടാൻ സമയമായെന്നു ദയനീയമായ കണ്ണുകളോടെ നോക്കുന്ന വേറേ കുറേ മനുഷ്യർ. ... 🌡
അവൻെറ
അഹന്തയും, അഹങ്കാരവും ഇതോടെ എങ്കിലും തീർന്നോ എന്നു അന്വേഷിച്ചു ദിവസങ്ങളെ ഒത്തു കൂടി ആഘോഷമാക്കി മാറ്റുന്ന മറ്റൊരു കൂട്ടർ.🌡
ഈ ദുരിതകാലം കുറച്ചുതരുവാനും, കഠിനമായ വേദനകൾക്കു ആശ്വാസം പകരുവാനും, രോഗത്തിന്റെ തീവ്രതയെ കുറിച്ച് നിരന്തരം അന്വേഷിക്കാനും, ഒന്നു
തലോടി ആശ്വസിപ്പിക്കാനും, നമുക്കു വേണ്ടി നിരന്തരം പ്രാർത്ഥിക്കുവാനും ഈ ലോകത്തു ഒരാളെങ്കിലും ഉണ്ടായെങ്കിലെന്നു നാം ഏകാഗ്രതയോടെ സർവ്വശക്തനോടു കേണു വീണു കെഞ്ചുന്ന യാമങ്ങൾ....... 🌠പാതിരാവുകളിലെ തഹ്ജൂത് നമസ്കാരങ്ങൾ....🌠
ഒരാളിൽ ക്യാൻസർ എന്ന മാറാ വ്യാധിക്കു തുടക്കമായി എന്നറിയുബോൾ തന്നെ മനസ്സ് സ്വയം ഭക്തി നിർഭരം ആയിതീരുന്നൂ മനുഷ്യമനസ്സെന്നാണു ഞാൻ മനസ്സിലാക്കിയിട്ടുള്ളതു🌠 ആയുസ്സ് നീട്ടികിട്ടാനല്ല..... എത്രയുംവേഗം തെക്കോട്ട് എടുക്കുവാൻ കൊതിച്ചു പോകുന്ന മനസ്സാവും അപ്പോൾ ഒരു മനുഷ്യനുണ്ടാവുക.🌟
അപ്പോൾ
സർവ്വശക്തൻെറ അദൃശ്യകരങ്ങൾ .. നമ്മുടെ മുന്നിൽ എത്തി ചേരുക തന്നെ ചെയ്യും..🌧
അതു പ്രകൃതി നിയമമാണു..🌨 വിശുദ്ധ ഗ്രന്ഥങ്ങളിൽ വിവിധ അദ്ധ്യായങ്ങളിൽ ഈ കാര്യം എടുത്തു എടുത്തു പറയുന്നുണ്ടു.
ഏകാഗ്രതയോടെ നാം വിളിക്കുന്ന കരുണാമയനായ സർവ്വശക്തനു നമ്മുടെ മുന്നിൽ നേരിട്ടെത്തുവാനാവുകയില്ല.....🌡 അനുയോജ്യമായ മനുഷ്യ ജന്മങ്ങൾ അപ്പോഴാണു നമ്മുടെ മുന്നിലേക്കു നിയോഗിക്കപ്പെടുക.🌠 സകല വിധ സാന്ത്വനങ്ങളുമായി.......🌧 ഒക്കെ ഈ പ്രപഞ്ചം നിയന്ത്രിക്കുന്ന സർവ്വേശ്വരൻെറ നിയോഗം.....അത്രന്നെ..🌠അവിടെ നിന്നങ്ങോട്ടു ഫീനിക്സ് പക്ഷിയെപ്പോലെയാവും നാം ഉയർത്തെഴുന്നേൽക്കുക . ക്യാൻസർ എന്നല്ല ഒരു മഹാവ്യാധിയും നമ്മുടെ മുന്നിൽ ഒന്നും ഒന്നുമല്ല തന്നെ..🌡ഇതൊരു പാഠം🌡
ചികിത്സാ വിധികൾ പരാജയപ്പെട്ടിടത്തു സർവ്വശക്തൻെറ അദൃശ്യകരങ്ങൾ നമ്മെ സംരക്ഷിക്കുന്നു..
പുണ്യ ഗ്രന്ഥത്തിലെ ഉരുവിടുന്ന ഓരോ വരികൾക്കും അതീവ ശക്തിയുണ്ടു എന്നു തെളിയുന്ന നാളുകൾ.......
നമ്മെ ഏറെ ആഗ്രഹിക്കന്നവരുടെ,
അതി കഠിനമായ പ്രാർത്ഥനകൾക്കു അതീവ ശക്തിയുണ്ടു എന്നു തെളിയുന്ന നാളുകൾ....... ........
അതാണു കാലവും...വിധിയും. 🐙

🦀 സ്മാർട്ട് ഫോൺ റീബൂട്ടു ചെയ്യാൻ നാം ശ്രമിക്കുബോൾ .... രണ്ടു option മുന്നിൽ വരും.... അതിലൊന്ന്.. "റിക്കവറി മോഡ്"-എന്നാണു. മനുഷ്യ ജീവിതത്തിലും അങ്ങനെ രണ്ടു option ഉണ്ട്. ഒന്നു... Suicideഅതായതു ആത്മഹത്യ.. രണ്ടാമത്തേതു...recovery mode തന്നെ. നമുക്കു ഏതു വേണേലും തിരഞ്ഞെടുക്കാം.❤

Copyright All Rights Reserved.THE FLASH NEWS

@Theflashnews twitter.com ലും 

bulletindaily.blogspot.com,theflashnews.com ലും,Wordpress .com ലും 2013 ഡിസംബറിൽ തിരഞ്ഞെടുത്തു പ്രസിദ്ധീകരിക്കപെട്ടതു.

Palayam Nizar Ahamed, 

General Secretary,

PEOPLE'S WELFARE COUNCIL