ബിരിയാനി കഴിച്ചാല് മരിക്കുമോ? ദൈവത്തിനേ അറിയൂ !!!!

ഇന്നു  എനിക്കു ധാരാളം കാളുകള്  വരുന്നു . മൊബൈലിന്റെ റിങ്ങ് കേട്ടാണ് ഉണര്ന്നതുതന്നെ . വടക്കു ജില്ലകളിലെ കുറച്ചു സുഹൃത്തുക്കള് തലസ്ഥാനത്ത് എത്തിയിട്ടുണ്ട്. അവരൊക്കെ ആകെ ബേജാറിലാണ് .നല്ല തിര്വോന്തരംബിരിയാണി എവിടെകിട്ടുമെന്നു അറിയണം . സെക്രട്ടറിയെട്ടു  ഉപരോധത്തിനു  എത്തിയവരാ .പട്ടണത്തില് നിന്നു ഷവറുമയും,ബിരിയാണിയും കഴിച്ചു മരിച്ചു പോയ ചിലരുടെ പത്രവാര്ത്ത വായിച്ചിട്ടാണ് ഈ പുകില് . കുറച്ചു ദിനം മുന്പ്‌  കഴക്കൂട്ടത്തെ ഒരു ഹോട്ടലില് നിന്നു ബിരിയാണി കഴിച്ചു  ഒരു ഡോക്ടറ് പെണ്‍കുട്ടിയും മരിച്ച  കഥ ഐത്തുങ്ങള് അറിഞ്ഞിരിക്കുണു .തിരുവൊന്തരംന്ന്  കേട്ടാലേ വടക്കന് പേടിയാ , ഭക്ഷണം എന്തേലും മേടിച്ചു കഴിപ്പാനു. അതാ ഈ അന്വേഷണം . നല്ല ഹോട്ടല് ഇപ്പൊ ഇവിടെ ഏതുണ്ട് .പുത്തന് തലമുറ ഹോട്ടല് പലതിനേം കൊലപാതക കുറ്റം ചുമത്തി അടപ്പിച്ചു .ഉടമകള് പലരും അഴിയെണ്ണുന്നു.മലബാറ്കാരന്റെ  ഇവിടുള്ള ഹോട്ടലുകളൊന്നുംഇവര്ക്ക് വേണ്ടാ. അപ്പൊപ്പിന്നെ തിരുവോന്തരം ബിരിയാനിക്കു എന്താവഴി .ഒന്നര കിലോ കോഴിവാങ്ങി, പൂടയും, കൊക്കും, കാലും കളഞ്ഞാല്, തൊള്ളായിരം ഗ്രാം കിട്ടിയാല് ആയി .കിലോക്ക് നൂറ്റിയിരുപതു രൂഫാ  വച്ചു ഒന്നര കിലോടെ പണം എണ്ണി കൊടുത്തേ പറ്റു .അപ്പൊ പിന്നെ വീട്ടില് വിളിച്ചു  ഓസ്‌ ബിരിയാനി തീറ്റിപ്പിക്കാനും പറ്റുകേല
മുന്പ്  ...... തിരുവനന്തപുരം സിറ്റിയില് ബിരിയാനിക്കു മികച്ചതായി രണ്ടേ രണ്ടു ഹോട്ടലുകള് മാത്രമേ ഉണ്ടായിരുന്നുള്ളൂ .സെക്രെടരിയെട്ടിനു മുന്പില് ഉണ്ടായിരുന്ന ആസാദ് ഹോട്ടലും ,,പാളയത്ത് മുസ്ലിം പള്ളിക്കും ,രക്തസാക്ഷിമൻഢ്പത്തിനും നേരെ മുന്പില് ഇപ്പോഴുമുള്ള താജ് ഹോട്ടലും . ബിരിയാനിക്കും, ബിരിയാനിചായക്കും ഏറെ പുകഴ് പെറ്റിരുന്നത്  താജ് ഹോട്ടല് തന്നെ ആയിരുന്നു .തലസ്ഥാനത് വിവിധ ആവശ്യങ്ങള്ക്ക് എത്തിയിരുന്ന ഉന്നതരും മന്ത്രിമാരും ബിരിയനിക്കായി ആശ്രയിച്ചിരുന്നത് ഈ ഹോട്ടലിനെ ആയിരുന്നു .രണ്ടു ഹോട്ടലും തുടങ്ങിയത് അന്പതുകളുടെ മദ്ധ്യത്തിലായിരുന്നു .ദൂരെ ദിക്കില് നിന്നു ബിരിയാനി മേക്കര്മാരേയും, ടീമേക്കര് മാരേയും, ചെല്ലുംചെലവും കൊടുത്തു താമസ്സിപ്പിച്ചാണ്  താജ് ബിരിയാനി ഉണ്ടാക്കിയിരുന്നതത്രേ .പിന്നീട് പാളയം കണ്ണിമാറാ  മാർക്കറ്റിനു മുന്പിലായി ഒരുസീനത്തും, സലീമു, സവോയി, വേണുഗോപാലനിലയം, അമ്ബാസ്സിടര്, ജാസ്സ് , ക്ലാസ്സിക്ക് , സംസം അങ്ങനെ നിരവധി ,നിരവധി ഹോട്ടലുകള് വന്നു .  പിന്നെ തലസ്ഥാനത്ത് ഉണ്ടായിരുന്നത് കണ്ണാടി പെട്ടിക്കുള്ളില് പരിപ്പുവട,കാരാവട ഒക്കെയുള്ള ലൊട്ടുലൊടുക്കു ചായ പീടികകളും  .. പിന്നെ പിന്നെ ബിരിയാനിക്കു ഓടി നടക്കേണ്ടിയും വന്നു ..അതാണ്ടെ വീണ്ടും മൊബൈല് റിംഗ് അടിക്കുന്നു ..അവരാണ് വിളിക്കുന്നത്‌  .എന്താ ഇപ്പൊ പറയുക .പെട്ടെന്ന് അരമണിക്കൂറിനകം ഉണ്ടാക്കാവുന്ന ചിലവുകുറഞ്ഞ ദം ബിരിയനിയുടെ ഒരു ലിങ്കു അയച്ചുകൊടുക്കാം .. തിര്വോന്തരം ബിരിയാനി സ്വയം അവര്  ഉണ്ടാക്കി കഴിക്കട്ടെ!അല്ലാണ്ടിപ്പോ ഞാന് എന്നാ ചെയ്യാനാ  ......http://www.Quick easy Dum Biriyani Malayalam part 1 youtube.com  , ശുഭഉപരോധദിനം , മാഷേ  !